Moshi Moshi

အရှေ့ ပိုင်းမှာ ကျွန်တော် Familiar တွေအကြောင်း မိတ်ဆက်ပေးခဲ့ပြီးပါပြီ ဒီတစ်ခေါက်မှာတော့ Ancestors တွေအကြောင်းပြောပြချင်ပါတယ် 
Ancestors (or) Legendary Progenitors တွေဆိုတာ မျိုးဆက်တစ်ခုရဲ့ ဘုံဘိုးဘေးလို့လဲပြောကြသလို ၊ လူမျိုး/မျိုးနွယ်စု တစ်ခုရဲ့ ဒဏ္ဍာရီလာ ပုဂ္ဂိုလ်လို့လဲပြောကြပါတယ် ။ နားလည်အောင် ပြောရမယ်ဆိုရင် အနော်ရထာမင်းရဲ့ မျိုးဆက်သားသမီးမြေးမြစ်တွေအတွက် အနော်ရထာဟာ Ancestors ပုဂ္ဂိုလ်လို့ သတ်မှတ်လို့ရပါတယ်။ Ancestors ဟာ ကျွန်တော်တို့ရဲ့
ဂန္တ၀င်ဘိုးဘေးတွေဖြစ်ကြပါတယ် ။

Armenian mythology မှာဆိုရင် Hayk the great (or) The great Hayk လို့ လူသိများတဲ့ Hayk Nahapet ဟာ Armenian မျိုးနွယ်ကို တည်ထောင်သူတစ်ဦးဖြစ်ပြီး ဂန္တ၀င်ဘိုးဘေး တစ်ဦးလဲဖြစ်ပါတယ် ။ သူ့ရဲ့ဇာတ်လမ်းကိုတော့ Armenian သမိုင်းပညာရှင် Moses of Chorene က History of Armenian ( A.D 410-490 ) မှာ ရည်ညွှန်းဖော်ပြထားပါတယ် ။

များစွာလှတဲ့ Greek mythology မှာဆိုရင်တော့ Melumpus သမိုင်းတစ်လျှောက်မှာ ကြီးကျယ်ခမ်းနားတဲ့ ဂန္တ၀င်ဘိုးဘေးအဖြစ် ဖော်ပြထားပါတယ် ။ သူ့ရဲ့အကိုဖြစ်သူ Bias အတူ Argeian နယ်မြေရဲ့ ဘုရင်ဖြစ်လာကြပြီး Homer’s Odyssey မှာခေါင်းဆောင် တစ်ဦးအဖြစ် အသိမှတ်ပြုခံခဲ့ရသူတစ်ဦးဖြစ်ပါတယ် ။

Indian Hinduism မှာလဲ Rishis တွေဟာ Manu ကို Rig Veda မှာရှိတဲ့ အိန္ဒိယလူမျိုးတွေရဲ့ ဒဏ္ဍာရီ လာ ဘိုးဘေးတစ်ဦးအဖြစ် သတ်မှတ်ကြပါတယ် ။ ဒီရိုးရာဓလေ့ဟာ Brahamanas, Puranas, Matsya Purana, Vishnu Purana and Aitareya Brahama တို့ထိ ဆက်လက်ရှေးရှူသယ်ဆောင် လာခဲ့ပါတယ် ။ Brahama ကို မနူဟာမင်းရဲ့ မျိုးဆက်အဖြစ်လဲ ဖော်ပြထားပါတယ် ။

ဒီလောက်ဆိုရင် Ancestors တွေအကြောင်း နားလည်လောက်မယ်လို့ထင်ပါတယ် ။ Ancestors တွေဟာ ထူးချွန်ပြောင်မြောက်တဲ့ ပုဂ္ဂိုလ်တွေဖြစ်ပြီး မျိုးနွယ်ကို စောင့်ရှောင့်ပေးတယ်လို့ ယုံကြည်ကြပါတယ် ။ ကျွန်တော်တို့ ငယ်ငယ်က Mulan ကား ကြည့်ဖူးကြမှာပေါ့ Mulan ဟာ သူ့အဖေအစား စစ်တိုက်ထွက်ဖို့ပြင်တော့ သူရဲ့ဘိုးဘေးတွေက Mulan ကို စောင့်ရှောက်ဖို့ အစောင့်အရှောက်စေလွှတ်ခိုင်းတာကို သိကြမှာပါ ။

ကျွန်တော် ပြောချင်တဲ့အပိုင်းက အခုမှလာပါပြီ မျိုးနွယ်စု ၊ လူမျိုးစုတိုင်းမှာ သာမန်လူတွေရှိသလို ထူးချွန်စွာမွေးဖွားလာတဲ့လူတွေလဲရှိပါတယ် Ancestors တွေဟာ ထူးချွန်တဲ့လူတွေကို ရွေးချယ်ပြီး ကောင်းချီးတွေ၊ပြည့်စုံကြွယ်၀ခြင်းတွေ ချီးမြှောက်လေ့ရှိပါတယ် ။ အဲ့လိုပြောလို့ ကောင်းချီးတွေကို လွယ်လွယ်ရလားဆိုရင်တော့ မဟုတ်ပါဘူး သင်ဟာ ဒီလိုကောင်းချီးပေးဖို့ ထိုက်တန်တဲ့သူလားဆိုတဲ့ ခွန်အားကို အရင်ကျော်ဖြတ်ရမှာပါ ။ spiritual awakening အကြောင်း ကျွန်တော် အရှေ့ပိုင်းမှာရေးထားဖူးပါတယ် ။ Ancestors တွေက သင့်ကို ရွေးချယ်လိုက်ပြီဆိုရင် spiritual awakening စဖြစ်ပါတယ် အဲ့ဒီ့နောက်ပိုင်းမှာတော့ သင်ရဲ့စိတ်ခွန်အား သန်မာလေလေ များပြားလှတဲ့ ကောင်းချီးတွေဟာ သင့်ဆီကို တရှိန်ထိုးရောက်ရှိလာလေပဲဖြစ်ပါတယ် 

သင့်ကိုစောင့်ရှောက်ပေးနေတဲ့ Ancestors တွေဟာ ရှေးကျပြီး စွမ်းအားကြီးမားလေ သင်ရရှိတဲ့ ကောင်းချီးတွေက ပိုမိုများပြားလေပဲဖြစ်ပါတယ် ။

ဒါဆို Ancestors တွေနဲ့ ဘယ်လိုဆယ်သွယ်နိုင်မလဲမေးရင်တော့
– သင့်ရဲ့ Ancestors တွေကို အသိမှတ်ပြုအောက်မေ့တဲ့အနေနဲ့ မီးပူဇော်ပေးပါ ( they really enjoy it  ) ကိုယ့်ရဲ့ အခန်းထဲမှာဖြစ်စေ ကိုယ့်အိမ်ရဲ့ ဘယ်နေရာပဲဖြစ်ဖြစ် သန့်ရှင်းတယ်လို့ ယူဆရတဲ့နေရာမှာ မီးပူဇော်နိုင်ပါတယ် ကျွန်တော်ကတော့ အမွှေးတိုင်ရော ဆီမီးရော နှစ်ခုလုံးပူဇော်ပါတယ် ✨
– သင့်ဘိုးဘေးတွေရဲ့ အုတ်ဂူကို အလည်အပတ်သွားကာ ဂါရ၀ပြုပေးပါ  ✨
– family gathering မကြာခဏပြုလုပ်ပြီး လဲ ဂါရ၀ပြုနိုင်ပါတယ် ✨
– သင့်ဘိုးဘေးတွေရဲ့ ဓာတ်ပုံကို အမှတ်တရထားပြီး မီးပူဇော်ခြင်း ၊ အမွှေးနံ့သာပူဇော်ခြင်း ၊ သူတို့ကြိုက်နှစ်သက်တဲ့ မုန့်ပဲသရေစာတွေနဲ့လဲ ပူဇော်ဂါရ၀ ပြုနိုင်ပါသေးတယ် ✨
– ဆုတောင်းပါ သင်ဖြစ်ချင်တဲ့ဆန္ဒတွေကို ဘိုးဘေးတွေကို တိုင်တည်ပြီးဆုတောင်းနိုင်ပါတယ် ✨

သင့်ဘိုးဘေးတွေလာလည်တာကို သိနိုင်လားမေးရင်တော့
– ဟုတ်ကဲ့ သိနိုင်ပါတယ် အိပ်မက်ကနေတစ်ဆင့်ဖြစ်စေ အမွှေးနံ့သာပေးပြီးတော့ပဲဖြစ်စေ ဘိုးဘေးတွေဟာ သူတို့စောင့်ရှောက်ပေးနေကြောင်း ပြသကြပါတယ် ✨

Ancestors တွေအကြောင်းကတော့ ဒီလောက်ပါပဲ ✨ နောက်ထပ်လဲအခုလို အကြောင်းအရာတွေကို ထပ်ပြီး သိသလောက်ပြောပြပေးဦးမှာမို့ စိတ်၀င်စားလို့ ဖတ်ရှုချင်ရင် Like & Follow လေး လုပ်ထားနိုင်ပါတယ် ခင်ဗျ 

သာယာတဲ့ နေ့ရက်တွေ ပိုင်ဆိုင်ကြပါစေ ✨

Lunar eclipse က Nov 19 မှာဖြစ်ပေါ်မှာဖြစ်တဲ့ အပြင် အဆုံးသတ်တွေကို ယူဆောင်လာပေးပြီး သင့်ကို ရွေးချယ်စရာ လမ်းနှစ်ခု ဦးတည်အောင် ဆောင်ကြဉ်းပေးမှာဖြစ်ပါတယ်။ future blessings & karmic consequences ဆိုတဲ့ path နှစ်ခု ရွေးချယ်ဖို့ ပေါ်ပေါက်လာမှာဖြစ်တဲ့အတွက် သင့်အတွက် right path ကို ရောက်နိုင်ဖို့ shadow self အကြောင်းကို ပြောပြပေးချင်ပါတယ် ။

What is shadow self ?
– analytical psychology အရ shadow self ဟာ ကျွန်တော်တို့ရဲ့ အသိစိတ်အတ္တ ( ego ) က ကိုယ်တိုင်မခွဲခြားနိုင်တဲ့ ပင်ကိုယ်စရိုက် (or) မသိစိတ်ရဲ့ ရှုထောင့်တစ်ခု (or) မသိစိတ်တစ်ခုလုံး လို့ သတ်မှတ်ထားပါတယ်။ ရှင်းအောင်ပြောရရင်တော့ shadow self ဟာ ကျွန်တော်ရဲ့ မသိစိတ် အမှောင်ဘက်ခြမ်းဖြစ်ပါတယ် ။

– လူတစ်ယောက်ဟာ မိမိရဲ့ ကိုယ်ရည်ကိုယ်သွေးမှာ နှစ်လိုဖွယ်မကောင်းတဲ့အရာတွေကို လက်မခံနိုင်ပဲ လျှစ်လျှူရှုထားခြင်း၊ ငြင်းပယ်ခြင်းကြောင့် shadow self ဟာပြောရမယ်ဆိုရင် အပျက်သဘောဆောင်တဲ့ စိတ်အမှောင်ဘက်ခြမ်းလို့ နားလည်နိုင်ပါတယ် ။ ဒါပေမယ့် အပြုသဘောဆောင်တဲ့ အခြမ်းတွေဟာလဲ shadow ရဲ့ ရှုထောင့်တစ်ခု ‌အနေနဲ့ ပါ၀င်နိုင်ပါသေးတယ် ( အထူးသဖြင့် self-esteem နည်းတဲ့သူတွေ ၊ anxiety များတဲ့သူတွေ ၊ အယူအဆမှားတွေကိုယုံကြည်တဲ့သူတွေ မှာရှိတတ်ပါတယ် ) ။

– လူတိုင်းမှာ shadow self ဆိုတာရှိပါတယ် လူတစ်ယောက်ဟာ အသိစိတ်ဆင်ခြင်ဉာဏ်နည်းလေ သူရဲ့ shadow ဟာ ပိုမှောင်မိုက်ပြီးတော့ negative effect များလေပဲဖြစ်ပါတယ် ။ ကလေးဘ၀အရွယ်မှာ animal instinct လို့ခေါ်တဲ့ ဗီဇတွေရှိပါတယ် ဒါကို အသိစိတ်က အစားထိုးပြုပြင်ပေးလိုက်ပြီး အဲ့ဒီ့ဗီဇ‌တွေဟာ shadow နဲ့ သွားပြီးဆက်နွယ်နေပါတယ် ။

– psychologist ဖြစ်တဲ့ Jung က shadow self ဟာ မိမိကိုယ်ရည်ကိုယ်သွေးရဲ့ အမည်မသိအမှောင်ဘက်အခြမ်းလို့ ဆိုပါတယ် ။ Jung ရဲ့အဆိုအရ Shadow self ဟာ အလိုလိုသိမြင်နိုင်စွမ်းရှိပေမယ့် ဆင်ခြင်တုံတရားကင်းမဲ့ကာ မိမိအမှားကို မမြင်နိုင်ပဲ ဖုံးကွယ်ထားတဲ့ စိတ်ပိုင်းဆိုင်ရာ ပုံဖော်ခြင်းလို့ ယူဆပါတယ် ။ Shadow ဟာ အရိပ်ပုံသဏ္ဍာန်ရှိတဲ့ လွတ်လပ်‌သော လက်အသွင် အဖြစ်ပုံဖော်နိုင်ပြီး real world နဲ့ ego ကြားထဲမှာ ထူထပ်မှောင်မိုက်တဲ့ ထင်ယောင်ထင်မှား ဖုံးအုပ်မှုကို ဖြစ်ပေါ်စေနိုင်ပြီး မိမိကိုယ်ကို ကာကွယ်မှုပေးနိုင်ပေမယ့် တခြားသူတွေကိုတော့ ထိခိုက်နာကျင်စေတာ ၊ အန္တာရယ်ဖြစ်စေတာ ဖြစ်တတ်ပါတယ် ။

– Shadow ဟာ သင်ရဲ့ အိပ်မက်တွေနဲ့ အမြင်အာရုံတွေမှာ ပုံစံအမျိုးမျိုးနဲ့ပေါ်လာတတ်ပါတယ် ( ဥပမာ – သင်ဟာ လိင်တူစိတ်၀င်စားသလိုရှိတယ် ဒါပေမယ့် သင်ကိုယ်တိုင် ဒီအချက်ကို လက်မခံနိုင်ဘူး ဘ၀တစ်လျှောက်လုံး ငြင်းပယ်နေခဲ့မယ်ဆိုရင် သင်ရဲ့အိပ်မက်ထဲမှာ သင့်ကိုသင် လိင်တူတွဲနေတယ်လို့ ပြန်မြင်မက်တာမျိုး ဖြစ်တတ်ပါတယ် ) သင့်ကိုသင်လက်မခံနိုင်တဲ့အရာတွေ ၊ မကြိုက်နှစ်သက်မှုတွေဟာ shadow မှာ စုပြီး အစိုင်အခဲတစ်ခုဖြစ်လာတတ်ပါတယ် ။

– သင့်ရဲ့ အိပ်မက်ထဲမှာ shadow self နဲ့ အပြန်အလှန်တုံ့ပြန်မှုက သင့်ရဲ့ စိတ်အခြေအနေကို ပိုပြီး သိသာထင်ရှားစေပါတယ် ။ Shadow ဟာ conflicting desire တွေ intention တွေစုစည်းနေတဲ့အရာဖြစ်ပြီး သင့်ရဲ့ အတ္တက ဒီအရာတွေကို တခြားလူတွေအပေါ်ပုံချကာ ပျက်စီး၊ဖျက်စီး ပြစ်တာမျိုးတွေ ပြုလုပ်တတ်ပါတယ် ။
ဒါ့အပြင် Shadow self ဟာ ငယ်ဘ၀ထဲကနေစုစည်းလာခဲ့တဲ့ အမှောင်ခြမ်းတွေဖြစ်လို့ အလွှာပေါင်းများစွာ အဖြစ်တည်ရှိနေတတ်ပါတယ် ။ ဒါကတော့ shadow self ကို ကျွန်တော် သိသလောက် အကျဉ်းချုံးပြောပြပေးတာပဲ ဖြစ်ပါတယ် ။

How to deal ?

– ဒီအမှောင်ခြမ်းကို လက်လွှတ်ချင်တယ် ဘယ်လို ကိုင်တွယ်ရမလဲဆိုရင်ပြီးမေးလာခဲ့ရင်တော့ သင့်အနေနဲ့ shadow ကိုဖျောက်ဖျက်လို့ မရနိုင်ပါဘူး ထိပ်တိုက်ရင်ဆိုင်ပြီး လက်ခံဖို့ကြိုးစားရပါမယ် ။ နောက်တစ်နည်းပြောရရင် Shadow ဟာ ကြောက်စရာကောင်းတဲ့အရာမဟုတ်ပဲ သင့်ကို အလင်းရောင် ရှာဖွေပေးနိုင်မယ့် နေရာတစ်ခုလဲဖြစ်ပါတယ် ။ November ဟာ Scorpio season ဖြစ်တဲ့အပြင် Nov 19 ဟာ နှစ် 600 ကျော်မှာ တစ်ကြိမ်သာဖြစ်တဲ့ lunar eclipse ဖြစ်ပေါ်တာကြောင့် ဒီကာလမှာ လူတိုင်းရဲ့ Shadow self တွေက ပေါ်ထွက်လာပါတယ် ။

How to face ?

– ပထမဆုံး သင့်ကိုယ်သင်ပြန်လည်သုံးသပ်ပါ သင်မကြိုက်တဲ့အရာတွေ ၊ အစိတ်အပိုင်းတွေ တွေ လက်ခံနိုင်အောင်ကြိုးစားပါ ဒီလိုလက်ခံဖို့အတွက် သင်ရဲ့ အတ္တက ပိတ်ပင်တားဆီးထားဦးမှာ ဖြစ်တဲ့ အတွက် လွယ်ကူမှာတော့မဟုတ်ပါဘူး ဒါပေမယ့် သင့်အနေနဲ့ shadow ကို လက်မခံနိုင်ဘူး ငြင်းပယ်နေဦးမယ်ဆိုရင် တဖြည်းဖြည်းပိုမိုကြီးထွားလာပြီး နောက်ဆုံးမှာ သင်ရဲ့ပျက်စီးရာ လမ်းကြောင်းကို သင်ကိုယ်တိုင်လျှောက်နေသလို ဖြစ်သွားမှာပါ ။

– သင်တခြားသူတွေအပေါ် ဘယ်လိုဆက်ဆံလဲ ကိုယ်ရဲ့အပြုအမူတွေကြောင့် တခြားသူတွေ ဘယ်လိုထိခိုက်ပျက်စီးသွားသလဲဆိုတာကို ပြန်လည်သုံးသပ်ပါ လူတိုင်းက အမှားနဲ့မကင်းပါဘူး ကိုယ့်ကိုကိုယ် ခွင့်လွှတ်ပါ။ အပေါ်မှာ ပြောခဲ့သလိုပဲ Lunar eclipse ဟာ path နှစ်ခုကို ဆောင်ကြဉ်းပေးလာမှာဖြစ်ပြီး သင်ရဲ့ ရွေးချယ်မှု ဟာ သင့်ရဲ့ဘ၀တစ်ဆစ်အချိုးအကွေ့ကို ပြောင်းလဲပေးသွားမှာပဲဖြစ်ပါတယ် အဲ့တာကြောင့် ကျွန်တော်တို့ရဲ့ အကြောက်တရားတွေကို ရင်ဆိုင်ရဲဖို့လို့ပါတယ်။

– ဘယ်လိုလုပ်ရမလဲ မသိဘူးဆိုရင်ဖြင့် သင်အကြောက်ဆုံးအရာတွေ၊ သင်မကြိုက်နှစ်သက်တဲ့အရာတွေ ၊ အပြုအမူတွေကို စာရွက်ပေါ်မှာ တစ်ခုချင်းစီချရေးကြည့်ပါ အဲ့ဒီ့အရာတွေက သင့်ရဲ့ Shadow self ပဲဖြစ်ပါတယ် ။ ပြီးရင် သင့်ကိုယ်သင်လက်ခံဖို့ကြိုးစားပါ ခက်ခဲပေမယ့် အလုပ်ဖြစ်မယ်လို့ အကြံပေးပါရစေ ။ ဒီလိုပြုလုပ်ချင်းအားဖြင့် သင်ဘာလို့ အဆိုးမြင်နေခဲ့လဲ ၊ သင်ကြောက်တဲ့အရာတွေကနေ ဘာလို့ထွက်ပြေးခဲ့လဲဆိုတာကို ပိုပြီးသိမြင်လာပါစေလိမ့်မယ် ။

Shadow self ကို ရင်ဆိုင်နိုင်ကာFuture blessings တွေက စောင့်ကြိုနေပြီး ကောင်းမွန်ခြင်း၊ပျော်ရွှင်ခြင်း၊ကြွယ်၀ခြင်းတွေ အကုန်လုံးစီ ရောက်ရှိလာနိုင်ပါစေ ✨

ဒီတစ်ပတ်မှာတော့ spiritual awakening ဘယ်လိုစတင်ဖြစ်လာလဲ spiritual power ဘယ်လို မြင့်လာလဲ ဆိုတဲ့‌အကြောင်းကို ကျွန်တော်ပြောပေးသွားမှာပါ။
note : အခု ပြောပေးမယ့် အကြောင်းအရာတွေက ကျွန်တော်ရှာတွေ့သမျှ research တွေဖြစ်တာကြောင့် တစ်ယောက်နဲ့တစ်ယောက်တူချင်မှတူပါလိမ့်မယ် ။ အခြေခံအားဖြင့်တော့ တူတာများပါတယ်။

Spiritual awakening စတင်ဖြစ်ဖို့အတွက် ကျွန်တော်တို့ အားလုံးဟာ တစ်ချို့အချက်တွေကို အရင်ကြုံရလေ့ရှိပါတယ် အချစ်၊အလွမ်း၊ဒေါသ၊ပူဆွေးမှု၊သောက၊အတ္တ စတဲ့ အခြေခံအချက်တွေကို အရင်ကျော်ဖြတ်ရပါတယ် သင့်ရဲ့ ခံနိုင်ရည်အားကို စမ်းသပ်တာမို့ ဒီပထမအဆင့်က အခက်ခဲဆုံးအဆင့်ပါ အခန့်မသင့်ရင် အသက်အန္တရာယ်ပါ ထိခိုက်နိုင်ပါတယ် ။

ဒါဆို spiritual awakening ဖြစ်မှန်း ဘယ်လိုသိနိုင်မလဲ ?
– ဒီအာရုံဟာ ခုနက ကျွန်တော်ပြောတဲ့ အချက်တွေကို ခံနိုင်ရည်ရှိရှိနဲ့ ကျော်ဖြတ်ခဲ့ပြီးပြီဆိုရင် အလိုအလျောက်မိမိကိုယ်ကို သတိထားနိုင်လာပါလိမ့်မယ်။

ပထမအဆင့်ကို ခင်ဗျားက အောင်မြင်စွာကျော်ဖြတ်နိုင်ခဲ့ပြီဆိုရင် ဒုတိယအဆင့်ကို ဆက်လက်ရင်ဆိုင်ရပါတယ် သင်ဘယ်လောက်စိတ်ရှည်လဲ ၊ မေတ္တာထားနိုင်လဲဆိုတဲ့အဆင့်ဖြစ်ပါတယ် ။ သတိထားရမှာ တစ်ခုကတော့ လူတစ်ယောက်နဲ့ တစ်ယောက်ဟာ မွေးဖွားလာတဲ့ပုံစံ၊ကံ ချင်းမတူကြပါဘူး spiritual awakening ဆိုတာဟာ math ပုစ္ဆာတစ်ခုလိုပါပဲ အဖြေထွက်ဖို့ တစ်ဆင့်ချင်းကျော်ဖြတ်ရသလို spiritual awakening ဖြစ်ဖို့အတွက်လဲ ခုနက ကျွန်တော်ပြောသွားတဲ့ အချက်တွေကို သင့်ဘက်ကနေ ကိုယ့်ကိုကိုယ် နားမလည်မချင်း သံသရာလည်နေမှာဖြစ်ပါတယ်။

ပထမအဆင့်နဲ့ ဒုတိယအဆင့်ကို ကျော်ဖြတ်ပြီးသွားပြီဆိုရင်တော့ တတိယအဆင့်ကို mystery state လို့ ကျွန်တော် နာမည်ပေးထားပါတယ် ။ ဒီအဆင့်မှာ အကြောင်းတရားရှိလို့ အကျိုးတရားနဲ့ဆက်စပ်ပြီး ဖြစ်ပေါ်လာတာကို သင့်အနေနဲ့ ပထမဦးဆုံးစတင်နားလည်တဲ့အဆင့်ပါ။ ဒီအဆင့်ကို ရောက်ပြီဆိုရင်တော့ ခင်ဗျားရဲ့ ပျော်ရွှင်မှုပန်းတိုင်ဟာ နီးစပ်လာပါပြီ။

စတုတ္တ အဆင့်မှာတော့ သင့်ဟာ spirit guide တွေနဲ့ connect မိလာခြင်း elements တွေရဲ့ power ကို ခံစားမိပြီး သဘာ၀တရားကနေ စွမ်းအားတွေ သင့်ဆီကို ကူးပြောင်းလွှဲယူနိုင်လာခြင်း စတဲ့ အခြေနေတွေ ကြုံရလာပါလိမ့်မယ် ။ ဉာဏ်ရှိရင်ရှိသလို အသုံးချနိုင်ပါတယ် သင့်ရဲ့ spirit guide တွေ လာလည်တဲ့အခါမှာလဲ သူတို့နဲ့ connect လုပ်ကြည့်ပါ ။ ( ps: spirit guide တွေဟာ တစ်ယောက်နဲ့တစ်ယောက် မတူကြပါဘူး ရာသီခွင်တွေအလိုက် ကိုယ်နဲ့ဆက်သွယ်တဲ့ spirit guide တိုင်းဟာ ထူးခြားပါတယ် ဒီအကြောင်းကို ကျွန်တော်အ‌ေသးစိတ်ထပ်တင်ပေးပါမယ် )

ပဉ္ဇမ အချက် ဒီအဆင့်ကတော့ ကျွန်တော် အကြိုက်ဆုံး အဆင့်ဖြစ်ပါတယ်။ willpower ( mind power ) ပိုပြီး အားကောင်းလာခြင်းပါ ။ အရှေ့က ဆောင်းပါးတွေမှာ အနာဂတ်ကို ကြိုမြင်နိုင်တဲ့ အစွမ်းလို့ ကျွန်တော်ပြောခဲ့ဖူးတာရှိပါတယ် ။ အနာဂတ်ကိုကြိုမြင်နိုင်တယ်ဆိုတာ ကမ္ဘာပျက်မှာကို ကြိုသိမယ်လို့ ပြောချင်တာမဟုတ်ပါဘူး ( ဒီအစွမ်းကို ကြိုးစားရင် ကြိုးစားသလိုရနိုင်ပါတယ် ) အနာဂတ်ကို သင့်အတွက်ပဲ ကြိုတင်မြင်မက်နိုင်ပါတယ် ။ ဥပမာ ခင်ဗျား ရည်းစားက ဖောက်ပြန်နေတာ ၊ မချစ်တော့တာကို အိပ်မက်ကြိုမက်ပြီး အပြင်လက်တွေ့မှာ အမှန်တကယ်ဖြစ်လာတာမျိုး စတဲ့ ကိုယ်နဲ့ဆက်နွယ်နေတဲ့ ကိုယ်ချစ်တဲ့ လူတွေဟာ ကိုယ့်အပေါ် မကောင်းတဲ့စိတ်မျိုးထားနေတာ၊ လုပ်ရပ်တွေလုပ်နေတာကို ကြိုတင်သိချင်းမျိုး၊ နောက်တစ်ခုကတော့ သင်နဲ့ အနာဂတ်မှာ ပတ်သက်မယ့်လူကို ကြိုတင်မြင်မက်ချင်းမျိုး စသဖြင့် ဖြစ်ပါတယ် ။ ကျွန်တော်ကတော့ ဒီအစွမ်းကို ကြိုက်လဲကြိုက်သလို ကြောက်လဲကြောက်ပါတယ် ဘာလို့လဲဆိုတော့ ဒါက သင့်ရဲ့ soul and mind ကို မကောင်းတဲ့သူတွေဆီကနေ ကြိုတင်ကာကွယ်ဖို့အတွက် အသိပေးချင်းမျိုးဖြစ်ပြီး အဲ့ဒီ့လူတွေကတော့ ကိုယ်က စိတ်ရင်းအမှန်နဲ့ ချစ်ခင်မြတ်နိုးရတဲ့ လူတွေပဲဖြစ်နေတာက ၀မ်းနည်းစရာကောင်းတဲ့ အချက်ဖြစ်နေလို့ပါ။ ( spiritual awakening ဖြစ်ဖို့အတွက် စွန့်လွှတ်ရတဲ့ အရာတွေများပါတယ် သင့်အသက်တောင်မှပဲ ထည့်တွက်ထားရပါတယ် )

Willpower အားကောင်းလာတဲ့အခါမှာ တွဲစပ်ပါလာတာကတော့ psychical strength ပါ ပိုအားကောင်းလာပါတယ် ဒီအချက်ကိုတော့ အားအရဆုံးပါ super power ရတဲ့ ခံစားချက်မျိုးဖြစ်ပါတယ် ။ ကိုယ့်လက်နဲ့ထိတဲ့ ပစ္စည်းတွေဟာ ကျိုးပဲ့ပျက်စီးသွားတာမျိုး၊ အားအင်တွေအပြည့်ရှိနေတာကို ခံစားမိနေတာမျိုး စသဖြင့်ဖြစ်ပါတယ်။ ( အချိန်တိုင်းရနေမယ်လို့ အာမမခံပါဘူး လေ့ကျင့်မှုပေါင်းများစွာ၊ စိတ်ရှည်မှု စသဖြင့်လိုအပ်ပါတယ် )

ခြောက် ချက်မြောက်ကတော့ မမြင်ရတဲ့ ဧည့်သည်တွေရဲ့ မဖိတ်ခေါ်ပဲလာလည်ခြင်းပဲဖြစ်ပါတယ် ။ ဒါကိုလဲ သင့်ဉာဏ်ပေါ်မူတည်ပြီး အသုံးချနိုင်ပါသေးတယ် ။ အလုပ်အတူတွဲလုပ်နိုင်သလို ‌good spirit ဆိုရင် သင့်ကို protect လုပ်ပေးဖို့အတွက် တောင်းဆိုနိုင်ပါသေးတယ် ။ evil spirit တွေကတော့ မမွေးတာကောင်းတယ်လို့ပဲ အကြံပြုပါ‌ရစေ ။

Spiritual awakening ဟာ သူဖြစ်ချိန်တန်တဲ့အခြေနေမှာပဲ ကြုံရလေ့ရှိပါတယ် လူတစ်ယောက်ဟာ အတိတ်ကံနဲ့ လက်ရှိကံဆိုပြီး နှစ်ခုပါလာတတ်ပါတယ် အတိတ်ကံမှာ ပြုလုပ်ခဲ့သမျှအဆိုးအကောင်းတွေအားလုံးကို လက်ရှိပစ္စုပ္ပန်မှာ ခံစားပြီးမှ spiritual awakening စဖြစ်မယ်လို့ ကျွန်တော်ယုံကြည်ထားပါတယ် အသက်အရွယ် အပိုင်းအခြားနဲ့မဆိုင်ပါဘူး။ ငယ်ရွယ်တဲ့အပိုင်းမှာ ကြုံရတဲ့လူတွေလဲရှိပြီး အသက်ကြီးမှ awakening စတင်ဖြစ်တဲ့ လူတွေလဲအများကြီးပါ ။ လူတိုင်းကြုံရတဲ့ အခြေနေအချိန်ခါ အလှည့်အပြောင်းချင်း မတူတာမို့ ဘယ်အချိန်မှာ ဖြစ်မလဲတော့ ကျွန်တော်မသိပါဘူး။

Spiritual awakening ကို သိဖို့အတွက် အချက်တွေများစွာရှိပါသေးတယ် ။ ကျွန်တော်ကိုယ်တိုင်ရလာတဲ့ အတွေ့အကြုံတွေ research တွေကိုလဲ နောက်ထပ် ဝေမျှပေးသွားဦးမှာ ဖြစ်တဲ့အတွက် စိတ်၀င်စားတယ် နှစ်သက်တယ်ဆိုရင် like and follow လုပ်ထားပြီး စောင့်မျှော်ဖတ်ရှုနိုင်ပါတယ်။ နောက်တစ်ပတ်မှာလဲ စိတ်၀င်စားစရာတွေနဲ့အတူ ပြန်လာခဲ့ပါမယ်။ 💖